Txotxongilo ikuskizunak sortzen hasi zenetik ia 15 urte pasa diren honetan, Galitoon-ek bere lan berriena aurkezten du. 15 urte horietan ezagututako manipulazio eskola eta askotariko teknikei omenaldia da, denak ere Galitoon-ek bere antzerki eta telebista emanaldietan erabili izan dituenak. Halaber, beste antzerki eta zirku konpainia batzuen lanek eskainitako inspirazioaren emaitza ere bada. Adibidez, Hugo & Ines, Gaia Teatro, Cia El retrete de Dorian Grey, Jordi Bertran Company eta Mago Lioz Shem. Galitoon-ek guztiak bildu nahi izan ditu kalean zein barrualdean egin daitekeen ikuskizun berri honetan.

“The Show Moscón” txotxongilo zirku ibiltaria da eta “varietés” ikuskizun bat eskaintzen du, eulitzar potolo eta mardul batek aurkeztuta. Zirku zoragarria da, armairu erraldoi baten forma duena, eta barruan dituen emanaldi guztiak erakusteko ateak irekitzen dituena. Gure armairu barruko munduan denetarik ikusiko dugu: abestiaren benetako divak, musika saio aldrebesak, azti eta ilusionista beldurgarriak, ume ekilibrista harrigarriak, dantza emanaldi paregabeak, eta umorea barra-barra.

Informazio gehiago: The show moscon

Laguntzailea:

​​​​​​​