Andra Mari Abesbatzak “Nahiak” Kantata estreinatuko du. Iñigo Casalí konpositore iruindarraren musikarekin eta Iñigo Legorbururen testuekin, obra, abesbatza, orkestra eta ahots laukote bakarlarientzat idatzitako obra hau, hiriaren sorreraren 700. urteurrena ospatzeko enkargatu zen.

Andoni Sierrak, Andra Mari Abesbatzako zuzendari titularrak, zuzenduko du lana, talde bereko orkestrarekin eta Irene Fraile, Ana Sagastizabal, Josu Cabrero eta Jesus Garcia baritonoak osatutako ahots laukote bakarlariarekin batera.

Kantatan zehar, pieza koralak, instrumental, solistiko eta kontzertatzaileekin tartekatzen dira.

Lanaren gaia askotarikoa da, eta, urtemugan hiria omentzeaz gain, gaurkotasun eta kezka handiko gaiak nabarmendu nahi ditu, hala nola migrazioa, gizakiak naturarekin edo teknologiarekin duen harremana.

Lanaren hizkuntza zuzena, hurbila eta adierazkorra da, afektuetan ñabardura eta kontraste ugari dituen orkestrazio eta koloreari uko egin gabe, epikotasunetik intimora eta baita ironikora ere.